ملتزم يصلي كل الفروض ، و إذا تعب ، فوت صلاة الفجر وإذا شبع راحت صلاة العصر ~ و عنده دش ويكذب كثير و إذا صحى الصبح ، مشط اللحية { عادي طاح الحطب وحلوة الحياة ~
غني و ظالم ، يطرد المساكين و يستغل الضعوف مغرور و فاسق ، و مجلسه عامر كلٍ يبهر له ~ و مع ذلك يجمع حسنات من كثر اللي يسبونه { عادي طاح الحطب وحلوة الحياة ~
يكد يدرس و يشتغل .. لأجل يبني مستقبله ~ تزوج و جاب عيال ، ثم تقاعد صار يسكن في مكان ، و أم عياله في مكان والسبب العيال صار دار المسنين بيتهم { عادي طاح الحطب وحلوة الحياة ~
تغازل و تاخذ أرقام .. و تطلع مع هذا ، و تواعد هذاك ~ و يوم طاح الفاس في الراس بكت .. و راحت تشكي لأمها غدر الزمان ~ طبطبت عليها أمها وقالت : ولا يهمك سفرة لمصر ، وشوية سيولة و ترجعين بنت .. { عادي طاح الحطب وحلوة الحياة ~
سيارة مسرعة ~ و تدعس لها واحد مسكين هندي و العسكري صديق الطايش ~ والخطأ نصه على الهندي والباقي على أبو الطايش و في الليل ، الطايش يلعب بلوت { عادي طاح الحطب وحلوة الحياة ~
قارورة مويه ~ ما تضره !! طايحة في السيارة يناظرها بغضب ، زعلان منها ~ و يفتح الشباك و رماها وسط الطريق واذا اجتمع مع الشباب قال : متى بنتحضر؟! { عادي طاح الحطب وحلوة الحياة ~
أهم شي الثوب نظيف ، و الشماغ مكوي و القلم ماركة ، والساعة تضوي ~ و الجزمة جلد والسيارة عجب .. و تلفونه ما يسكت إما بنات أو البنوك تبي فلوسها ~ { عادي طاح الحطب وحلوة الحياة ~
سطحية ، و مغرورة غبية ، و متكبرة و يا ريتها حلوة تبي زوج مواصفات ~ ما يقول لا !! ويكره الاستراحات لازم وسيم ، وأنيق ، و متعلم و دخله ممتاز و يحب السفر ~ و بعد سنين ، تلاقي نفسها في الإنترنت تدور واحد يقبل بها { عادي طاح الحطب وحلوة الحياة ~
فتح الكمبيوتر ~ و دخل للمنتدى ، و كلامه ما يتعدى { أن الموضوع روعة و رهيب } و هو ما قرآه و لا يعرف كاتبه .. بس يبي يزيد المواضيع موضوع ويزيد همومنا هم ~ علشان يصير صاحب الألف موضوع و يتميز والمشكلة إنه يتميز { عادي طاح الحطب وحلوة الحياة ~
الكذب إثم ، ومع ذلك نستخدمه و ندري إن هذا حرام ، ومع ذلك نجربه نتذكر السهرة و الفرح و السفر ، و ننسى الجالسين على كتوفنا ~ و نتناسى ان معهم كتاب يسجل أفعالنا و نياتنا } كل شي محسوب حتى النظر نسينا إن ورانا يوم ، علاماته قربت ومع ذلك كلنا ناسين أن بقيت على حالك تتناسى ، لازم تعرف إن ذاك اليوم مهوب عادي { وانت الحطب و ما به حياة ~