ابشرك حنا بخير وسلامة .. إن كنت تسأل هذا جوابي حنا بخير وسلامه ..
الشعب مبسوط ومتهنئ بـ كافة شرائحه وطبقاته كلهم بخير وسلامه
اقولك عن الشباب .. الكل متوظف ما فيه أحد عاطل من قبل يتخرج من الجامعة وهو عارف مكان وظيفته وموب أي وظيفة إلا وظيفة محترمه وأقل راتب 5 الآف ريال .. شيء طبيعي رواتبهم عالية وحنا من اغنى دول العالم واكبر دولة مصدرهـ للبترول [ندعوك للتسجيل في المنتدى أو التعريف بنفسك لمعاينة هذه الصورة]..
ومن ناحية رب الأسرة .. ابشرك ما عليه قروض ولا مديونيات ولا يقفل جواله آخر الشهر عشان الديانه ما يأخذون مصروف عياله .. تصدق عاد أنه في نهاية الشهر يكون باقي في حسابه ثلثين الراتب [ندعوك للتسجيل في المنتدى أو التعريف بنفسك لمعاينة هذه الصورة]..
ومقاضي البيت رخيصه رخص التراب .. ونسمع بـ غلاء المعيشه لكن ما شفناهـ حماية المستهلك ما قصرت محددهـ الأسعار وكل من خالف تشكمه شكم وتحط عليه عقوبات وغرامات ومع كل هذا تجينا 15% .. اعلى نسبة بين كل دول العالم ومن زود الفسقه صرنا نصرف في الشهر كامل هالـ 15% والراتب الاساسي ما نلمسه ولا نجيه ..[ندعوك للتسجيل في المنتدى أو التعريف بنفسك لمعاينة هذه الصورة]
وعاد ما اقولك عن السعودة .. تصدق من قوة تطبيق السعودة اطلع في الشارع ادور أجنبي واحد ما حصلت ادخل مؤسسات وشركات ابي اشوف اجنبي واحد ما حصلت .. خير البلد كله ما يطلع لـ برى كله منا وفينا .. ومن زود الفسقه الشعب يطالب بتخفيف تطبيق السعودة [ندعوك للتسجيل في المنتدى أو التعريف بنفسك لمعاينة هذه الصورة] لا تلومهم مشتاقين يشمون ريحة شعر الهندي آهـ على ذيك الريحه [ندعوك للتسجيل في المنتدى أو التعريف بنفسك لمعاينة هذه الصورة] فقدتها وفقدت أهلها بس يبقى في النهاية قراركم سليم ما يصلح خير البلد يأخذها هندي وبنقالي وباكستاني مع انهم يأخذون خير خفيف موب مثل أهل لبنان اشوى انهم طلعو من الديرهـ بس ولا كانو يستلمون مثل راتب الموظف الحكومي ياحليلهم قنوعين [ندعوك للتسجيل في المنتدى أو التعريف بنفسك لمعاينة هذه الصورة]
والبيوت والشقق هذه وضعها احسن ما يكون الإيجارات رخيصه حقين العقار مساكين رخصو الإيجارات لان الشعب كله عندهـ بيوت ملك .. كل واحد متزوج من يوم يجيه بزر واحد بس وهو مشتري له بيت ملك بدون قرض عقاري من بنك يأخذ الفائدة 100% وبدون قرض عقاري من الدولة مع ان الدولة ما قصرت تعطيك قرض عقاري يجيبلك ثلاث فلل يارب لا تحرمنا من هالخير ..[ندعوك للتسجيل في المنتدى أو التعريف بنفسك لمعاينة هذه الصورة]
والشوارع والطرق فااااااااااضيه لدرجة أنك وانت طالع للدوام الصبح تأخذ لك غفوهـ وانت تسوق من عشر دقائق إلى ربع ساعة ثبت الطارهـ وحط راسك وارقد تصحى إلا أنت عند مخرج دوامك .. يا رجال المرور ما حط ساهر الا بسبب أن الشوارع فاضية والناس يأخذها الحماس وتشوف الطريق فاضي وتسرع وتمشي 180 وقتها قال المرور لازم نظام ساهر والمواطنين الله يهديهم ما يقدرون النعمة اللي هم فيها ويازين مخالفات المرور إذا جيت تسدد عطاك الحد الأدنى المخالفة بـ 300 ريال وتجي تسدد قال 150 ريال سددها وتطيح عنك من قالك أنهم يدبلونها دبل بالعكس ودنا أنهم يقولون دبل شرط أني لاقول ثري يستاهل المرور من يدعمه ويوقف معه [ندعوك للتسجيل في المنتدى أو التعريف بنفسك لمعاينة هذه الصورة]
عاد الحفريات ما تشوفها في شوارعنا نهائيا وهي شيء لا بد منه لكن سبحان الله يخلصونها في وقت قياسي طريق الملك عبد الله حطو فيه نفق تصدق ما قعد إلا خمسة أيام ثم فتحو الطريق والنفق جاهز للاستخدام البشري [ندعوك للتسجيل في المنتدى أو التعريف بنفسك لمعاينة هذه الصورة] .. وعندك طريق ديراب هذا كله تغير 180 درجه في وقت قياسي في شهر واحد بس سريع سريع وفتحو الطريق من يقولك أن له 4 سنوات وهو ما خلص ما عليك منهم لا تصدق هذولي ناس حقودهـ واعداء الوطن ..[ندعوك للتسجيل في المنتدى أو التعريف بنفسك لمعاينة هذه الصورة]
وعلى طاري أعداء الوطن سمعت بالاشاعة اللي قالوها وهدفهم تشويه سمعة السعودية عند العربان [ندعوك للتسجيل في المنتدى أو التعريف بنفسك لمعاينة هذه الصورة] قبحهم الله يقولون أن البلد كله ماشي على الواسطه وأن الفساد الإداري مسجل نسبة عالية .. وش هالكذب أجل معقوله طالب يتخرج من الثانوية ما يدخل الجامعة إلا بواسطة وش هالكلام بالعكس إلا الجامعة ترسل له مندوب وهو في بيتهم وتقول اي كلية تختار ثم يختار الطالب وتقول خلاص تم قبولك وألف مبرووك .. [ندعوك للتسجيل في المنتدى أو التعريف بنفسك لمعاينة هذه الصورة] حتى الوظائف ما فيه تقديم أصلا لان الطالب من يوم يوصل لآخر مستوى ووزراة الخدمة المدنية مرسله له رسالة تقول ترى تم تعيينك من التاريخ الفلاني ما يحتاج يقدم ولا يحتاج واسطه ..[ندعوك للتسجيل في المنتدى أو التعريف بنفسك لمعاينة هذه الصورة]
ولا الفساد الإداري قالو ايش قالو جده غرقت من الفساد الإداري وإن البيوت في مجرى سيول طيب وش دخل الفساد الإداري أنت يا مواطن ياحقير قبل تشتري لك بيت المفروض تروح تدرس هندسه وتعرف هل موقع بيتك سليم وله تصريف سيول وأمورهـ طيبه ..[ندعوك للتسجيل في المنتدى أو التعريف بنفسك لمعاينة هذه الصورة]
أنت من جهلك ماتو عيالك في سيول جده وجاي تطالب بكل بجاحه بحقك ومع هذا ما قصرت الحكومة صرفت لكم على كل رأس مليون ريال وتم صرف هالمليون من وقت تقديم شهادة الوفاة على طول من يقول قعدت سنة ما شمو ريحتها .. وشكلت لجنة لمكافحة الفساد الإداري ومن أول اسبوع لهم اكتشفو الجاني والمتسبب مع أن الخطأ منكم وقدموهـ للمحاكمة وكلنا سمعنا بخبر القاضي والرجال رأسه طار في الصفاة .. وبكل بجاحة يقولون الحكومة قصرت معنا يا خي انتم مواطنين ما عليكم شرهه ..[ندعوك للتسجيل في المنتدى أو التعريف بنفسك لمعاينة هذه الصورة]
الفقراء والمحتاجين هذه قووويه عاد لانه كل ما جاء رمضان وجاء وقت تطلع زكاتك وصدقتك في كل سنة اتذكر كتاب التاريخ حق رابع ابتدائي واتذكر الخليفة عمر بن عبد العزيز يوم كان الزكاة في الطرقات ولا يحصلون أحد تستحق عليه الزكاة الناس كلها شبعانه والحمدلله ..[ندعوك للتسجيل في المنتدى أو التعريف بنفسك لمعاينة هذه الصورة]
وهذا صاير معنا لدرجة اننا من زود الفسقه عندنا وتغطية كل المحتاجين هنا وصرنا ندور ما نلقى محتاج رحنا نتبرع لـ الدول المجاورة .. حتى امريكا وهي امريكا يوم اعصار كاترينا تبرعنا لهم .. وهذا دليل أن ما فيه في هالدولة لا فقير ولا محتاج الشعب كله شبعان [ندعوك للتسجيل في المنتدى أو التعريف بنفسك لمعاينة هذه الصورة]
باختصار الشعب كله يقول الحمد لله اللذي لا يحمد على مكروهـ سوآهـ باختصار حنا بخير وسلامه .. انت شلونك بشرنا عنك يا حياتي [ندعوك للتسجيل في المنتدى أو التعريف بنفسك لمعاينة هذه الصورة] ودي اغني لك واقول انت طيب هذا هو اللي يهم انت طيب وغير هذا ما يهم [ندعوك للتسجيل في المنتدى أو التعريف بنفسك لمعاينة هذه الصورة]
mark.afroto عضو برونزي
تاريخ التسجيل : 08/01/2011 المشاركات : 451 العمر : 27 تقيمي : 0 الجنس : الدولة : المهنه : الهواية : المزاج :