ملف كامل عن(تفريخ كل أسماك الزينه)

[size=25]القواعد العامة لتفريخ اسماك الزينة
*************************



معظم اسماك احواض الزينة يتم تفريخها تجارياً بغرض إعادة البيع .ولكن تفريخ
اسماكك الخاصة من ابرز اهداف هذه الهواية .معظم الأسماك الموجودة حالياً
(حتي اسماك الرسالة) تم تفريخها لأول مرة عن طريق هواه محترفون وطبعاً من
الصعب وضع قواعد عامة للتفريخ لكل الأنواع و لكن هناك قواعد مشتركة يمكن
مراعاتها مبدئياً بالإضافة لمعرفة نمط حياة و تفريخ كل نوع علي حده

القواعد العامة
*********


يجب إستخدام اسماك ذات صحة جيدة والوان جميلة براقة
•قبل التفريخ يجب ان توفر للأسماكك غذاء من انواع عالية الجودة ويفضل ان
يكون غذاء حي كما يجب المحافظة علي الماء في احسن حالاته.ايضاً يجب تجهيز
غذاء للإفراخ
•يجب التأكد من ان الماء يسر إلي متوسط اليسر وحامضي قليلاً حيث ان الماء العسر يمنع التخصيب كما يمنع فقس البيض
•إنقل الزوج المراد تفريخه إلي حوض اخر مخصص للتفريخ ويمكن تحفيز عملية التفريخ بالتغيير الجزئي للماء ورفع درجة الحرارة قليلاً
•بعد ملاحظة وجود البيض يجب إرجاع الزوج إلي الحوض الأساسي كما يحبذ إظلام حوض التفريخ عن طريق لفه بقطعة قماش
•إن امكن ، يجب إزالة البيض الميت و يعرف البيض الحي بأنه يكون شفاف خلال
فترة نمو الفرخ وفترة الحضانة هذه تستغرق في المعتاد ما بين 20 إلي 30 ساعة
•الأفراخ الجديدة سيكون لديها غالباً كيس المح و الذي يغذي الفرخ لفترة
قصيرة و بمجرد إنتهائه يجب ان تبدء بتغذية الفرخ بالغذاء المخصص للأفراخ
•إطعام الأفراخ يفضل ان يكون بكميات صغيرة جداً و عدة مرات خلال اليوم ويجب الحرص علي رفع أي غذاء متبقي
•بمجرد نمو الأفراخ ورأيتها تسبح بحرية فيتم نقلهم إلي حوض اكبر


اشكال عملية وضع البيض
نثر البيض
الأسماك التي تبيض بهذه الطريقة عادة تبيض في ازواج او مجاميع .الذكور تخرج
السائل المنوي في الماء و الإناث تخرج البيض في الماء ايضاُ في نفس الوقت و
يتم إختلاطهم ببعضهم البعض فيتم تلقيح البيض .يسبح البيض بعد ذلك مع
التيار او يسقط في القاع و لا يعتني به الوالدين بعد ذلك ولذلك تضع الأنثي
كمية كبيرة من البيض ومن امثلة هذا النوع اسماك الزيبرا دانيوز

*****************

بناء الأعشاش


العديد من الأسماك تبني اعشاش بشكل او بأخر سواء كان مجرد حفرة في القاع او
عش من فقاقيع الهواء .بمجرد الإستعداد لوضع البيض تبني السمكة عش من
الفقاعات وتستخدم عادة افرع النبات لتثبيت العش .حيث يحرس الذكر العش و
يبقي البيض تحت المراقبة في حين يتم إرجاع الأنثي إلي الحوض الأثاث بعد وضع
البيض مثال لهذا النوع الجورامي و الفيتر



وضع البيض


في هذه الحالة يتم وضع البيض علي سطح مستو سواء علي صخرة او علي سطح ورقة
نبات ويحرس الزوجين البيض و الأفراخ من أي مخاطر و من امثلة هذا النوع
السيكلد بأنواعه ويجب ان يتم له توفير صخور مستوية او نباتات مورقة او كهوف
.من امثلة هذا النوع الأنجل



وضع البيض بالفم


تضع الأنثي البيض علي سطح مستو حيث يتم تلقيحة بالذكر ثم تلتقط الأنثي
البيض بالفم حيث تحتضن البيض في فمها وحتي بعد ان يفقس البيض احيانا تختبيء
الأفراخ في فم الأم إذا ما احست بالخطر .وعادة يكون البيض في هذا النوع
قليل لأن الفقد فيه قليل من امثلة ذلك بعض انواع سيكلد الأفريقي وذكرلسمكة
الأروانا



دفن البيض


ويتم هذا النوع مع الأسماك التي تعيش في البحيرات في المناطق الجافة حيث
تجف البحيرة بالكامل تبيض هذه الأسماك وتضغط علي البيض ليدفن في الطمي و
تجف البحيرة تماماً و تموت الأسماك البالغة ولكن يظل البيض في الطمي الجاف
حتي تمطر و تمتلئ البحيرة فيفقس البيض وتعاد الدورة من جديد وجدير بالذكر
هنا ان البيض يستطيع ان يظل حي لعدة سنوات في الطمي من امثلة ذلك سمك
الكيلي



الولادة
وهي طبعاً لا تلد و لكن هذا النوع لا يضع البيض بل يتم تلقيحه وحضنه بداخل
جسد الأم .الأفراخ بعد فقس البيض و الخروج من جسد الأم ، الأفراخ تكون
صغيرة و متطورة نوعاُ ما من اشهر الأنواع طبعاً الجوبي و السوردتيل و
البلاتي

اولا :الفايتر
**********






ودى بقى الفيرجين الجديد



كيف اعرف ان الانثى مستعده للتزاوج


دى صوره انثى غير جاهزه



ودى صوره انثى جاهزه لوضع البيض لاحظ بطنها وقارن الفرق مع الانثى الغير جاهزه





حوض التفريخ


كلما صغر حوض التفريخ كلما سهل على الذكر السيطره على الموقف بالنسبه
لتجهيز العش وتعصير للانثى والعنايه بالبيض والصغارواهم حاجه انه مايكونش
حوض عريض فالعش يتهد او غويط فالدكر هو اللى يتهد من الطلوع والنزول خلف
البيض او الفقس (من 25 سم الى 40 سم مناسب جدا)

المياه

المياه لازم تكون قديمة علشان المياه الجديدة موش كويسه على الفيتر وبتسبب
أذى لجهازة التنفسى وكمان الفايتر اساسا بيعيش فى مياة راكدة وقدم المياه
بيعطيه احساس بالامان والارتياح واحساس بالتواجد فى بيئته الطبيعيه.

يعنى ايه مياه قديمه
لو عندك جيركن كبير ونظيف املاه مياه من الحنفيه واركنه اسبوع او اتنين يبقى عندك احتياطي مياه قديمه تستعملها وقت ما تحتاجها


وفيما يلى خطوات عمليه التفريخ:

اى ذكر فايتر مكتمل النمو ووضع وحدة فى حوض ليس به تيارات مياه قويه يكون
جاهز للتزاوج وبالنسبه للانثى فتكون ممتلئه البطن ويلاحظ وجود انبوب ابيض
صغير كعلامه على استعدادها لوضع البيض.

التفريخ يتم فى حوض صغير الحجم زى اللى سبق ذكره وطبعا بنحاول عند تفريخ اى
سمكه محاكاة بيئتها الطبيعية من درجه حرارة وتركيبه المياه ودرجه
الملوحة......الخ علشان كدة لازم مياه قديمه لان الفايتر اساسا بيعيش فى
مياه راكدة ومستنقعات.

درجه الحرارة المناسبه 28 درجة مئويه, وتركيبه مياه النيل من حيث الملوحه والقلويه والعسر ما فيهاش مشاكل تستاهل التدخل.

يوضع الذكر فى الحوض ولتسهيل عمليه بناء العش عليه يوضع بعض النباتات
الطافيه (طبيعيه او صناعيه متفرقش) او قطعة فل او اى حاجة الراجل يبنى عش
زوجيته بيها اما حجم العش فا موش مهم المهم كثافته والاهم هى كفائه الذكر
وتفانيه فى رعايه اولادة.

بص باه سر حربى انا شخصيا بسميه الخطه قطه: معظم الزيجات الفيتريه بتفشل
والمرحومه الزوجه لو اتكتبلها عمر بتحتاج معجزة علشان ترجع سمكه تانى لان
احنا بنحطها فى الحوض بعد الذكر ما يبنى العش ودى بتكون اكثر لحظات عمره
عصبيه وفى اغلب الاحيان العلقة المميته اللى بتاخدها الانثى بتكون خناق موش
عمليه التعصير( نزول البيض) علشان كدة لازم الخطه قطه وهى ان احنا نحط
حضانه صغيرة او دورق او برطمان فى نفس حوض التفريخ ونحط الانثى فيه يومين
تلاته علشان ندوب التوتر شويه (مياه البرطمان او الحضانه تكون من نفس الحوض
ولو مخرم يبقى احسن واحسن)

اول ما بناء العش يكمل واعصاب اخينا تهدا (وتعرف انه هدى لما تلاقيه
بيستعرض زعانفة من غير ما يخبط فى الدورق بجانب راسه او ينفخ خياشيمه) دة
معناه انه هدى وجاهز للتزاوج وفى الحاله دى بننزل الانثى فى الحوض بس برفق
علشان منهدش العش.

تتم عمليه التزاوج زى ما فى الصور التاليه وهنا تخرج الانثى من 3 الى 5
بيضات(بص على الصوره 10 فى عمليه التعصير) يلتقطهم الذكر بفمه ويقوم
بتثبيتهم فى العش, الموضوع دة حايتكرر حوالى 100 مره او اكثر واول ما تلاقى
الذكر بعد عن الانثى او بدا يبعدها عن العش نرفعها من الحوض علشان
ميموتهاش (خوفا" على عياله).

فى الفترة دى الذكر حايمتنع تماما" عن الاكل وحايقضى الوقت كله بيلم البيض
اللى بيقع على الارضيه ويرجعه فى العش ويبعد اى تهديد حقيقى او وهمى (علشان
كدة بلاش نستفزه بالنور العالى مثلا او نقرب وشنا من الحوض).

البيض بيفقس بعد حوالى من 24 الى 36 ساعه وبمجرد فقس البيض يترك ليك خيارين
اما نسيب الذكر لغايه ماالصغار تسيبوا العش او نشيله بمجرد الفقس وانا
افضل نشيله مع الفقس لان حصل معايا قبل كده ان اب حنون ومطلع 4 عشوش كامله
اكل عياله كلهم بدون اى مناسبه!

بالنسبه للاكل الطحالب الخضراء والانفيزوريا مهمه جدا(سبق وشرح لنا نينجا
ازاى بتتجهز برطماناتها) اما فقس بيض الجمبرى فهو ضروره علشان العش كله
يعيش وكمان اللون بناع السمك يتظبط.

الولدة تتساب فى الحضانه اسبوعين بس كل يوم نشيل كوبايتين مياه ونحط مكانهم
كوبايتين جداد (ميه مركونه عده ايام) بعد كده بنهايه الاسبوعين لازم
الولده تتنقل بمياهها الى حوض اكبر ونزود مياه يوميا بردة بس من غير ما
نشيل مياه من الحوض الجديد ولازم هنا يكون فيه فلتر بس سفنج عادى علشان ما
يعملش تيار هوا قوى.

اول ما السمك بيدا يلون وزعانفة تكبر لازم نعزل الذكور عن بعض علشان ما
يحصلش معركه (بيكونوا هاديين ومافيش مشاكل ومرة واحده بدون سابق انذار
بتبدا حرب ضروس وبتنتهى سريعا زى ما بدات بدون اى احياء حتى الاناث واخينا
المنتصر كله بيتفرم ضرب!!!!)

بالنسبه لسن التزاوج فالعامل الرئيسى فى التزاوج هو الاستعداد مش السن يعنى
لو ذكر متربى فى بيئه صحيه ووفره غذاء احسن بكتير من اللى عمره اكبر بس
مظلوم فى دورق صغير مثلا" وعموما انا شخصيا بافضل احط ذكر مستورد مع انثى
مصرى واجمل حاجه فى الفايتر انك بنقعد تلعب بالالوان زى مانت عاوز وكمان
داوقتى ?ظهرت سلالات زعانفها مشرشره بالكامل جميله وتفريخها سهل

واحنا بنستورد الفايتر فى مصر من سنغافوره وتايلاند )مستوردين الاسماك
بيتعاملوا مع البلدين دول بس) وان كان الفيتر اساسا من دولة سيام.